luns, 2 de maio de 2016

MARTÍN PINTOS NO SYOC COA SELECCIÓN ESPAÑOLA

Martín Pintos, xogador xuvenil do AD Vincios Rosquillas Cristaleiro da División de Honor de Tenis de mesa, comeza este próximo mércores a súa participación no SYOC Open Internacional de España Cadete e Junior que se disputará en Platja d´Aro (Girona) ata o próximo domingo. O xogador gondomareño foi convocado polo equipo técnico da RFETM para formar parte da selección española xuvenil e competirá nas probas de equipos, dobres e individual. Participarán neste importante torneo de categoría 1 máis de 200 palistas de países europeos, americanos e asiáticos. Esta convocatoria é un merecido premio ao traballo e esforzo do xogador miñorano que este ano combinou os adestramentos e partidos no club francés GDV Hennebont coa competición de División de Honor na liga española.



A seguinte fin de semana, Martín Pintos cos seus compañeiros de equipo Moisés Álvarez, Diogo Silva e Rafael Otero terán o reto máis difícil da tempada que será disputar a fase de ascenso a Súperdivisión Masculina en Gondomar. O Open de España pode ser, por tanto, para Martín, unha boa pedra de toque de cara a chegar no momento óptimo de forma ao momento crucial da liga

Ningún comentario:

Publicar un comentario

Slider