luns, 7 de outubro de 2019

SUPERDIVISIÓN: NOVO EMPATE DO AD VINCIOS GONDOMAR NO SEU DESPRAZAMENTO A SAN SEBASTIÁN DE LOS REYES.

Segunda xornada da Liga de Superdivión española e primer partido fóra da casa. O equipo da AD Vincios Gondomar desprazouse a Madrid para enfrontarse ao equipo de San Sebastián de los Reyes, partido, coma sempre, complicado xa que a sala na que se xoga é pequena e a bóla desprázase moi rápida.
Comezou mal o partido para o AD Vincios, nin Martín Pintos contra o moldavo Vladislav Ursu, nin Zhao Tianming contra Rafael Casares, conseguiron puntuar. Ambos partidos remataron 3-1 a favor dos locais.
Cun 2-0 no marcador, André Silva saiu coa misión de cambiarlle a cara ao enfrontamento. O partido contra o ruso Alekshei Zukov foi moi loitado rematando 2-3 a favor do portugués do Vincios. Así o cómputo total quedaba nun 2-1, e tendo Zhao, no seguinte partido, a oportunidade do empate.
Así o cuarto partido enfrontou ao chinés Zhao contra o moldavo Vladislav, partido, de novo, moi desputado que rematou tamén, cun 2-3 a favor do xogador do equipo galego. Deste modo o encontro quedaba empatado: 2-2.
No seguinte partido Martín non puido puntuar ante o xogador ruso Zukov que gañou 3-0 ao de Gondomar, o mesmo resultado que o que conseguiu no sexto André Silva ante Rafael Casares.
O resultado final, empate a 3-3, sitúa ao equipo da AD Vincios Gondomar na metade da táboa clasificatoria da Liga da Superdivisión española. A peza clave desta cómoda situación é o xogador portugués André Silva, imbatido ate o de agora, no que destaca especialmente a súa gran capacidade de traballo e de loita.


domingo, 15 de setembro de 2019

O AD VINCIOS GONDOMAR VOLTA Á COMPETICIÓN EUROPEA. ETTU CUP MEN.

Un ano máis o AD Vincios Gondomar, tras obter a clasificación europea  ao rematar sextos na Liga Española, volta á ETTU CUP MEN, competición onde participan os 40 mellores equipos europeos.
Esta fin de semana, sábado 14 e domingo 15 de setembro, o AD Vincios Gondomar se desprazou á cidade húngara de Pecs para desputar a primeira rolda desta competición na que se enfrontará a outros tres equipos europeos.
O equipo desprazou a Pecs a tres xogadores galegos, os gondomareños Martín Pintos e Anxo Iglesias, e o pontevedrés Santi Prieto. Tres xoves xogadores sub23 representantes da canteira galega deste deporte, dándolles así a oportunidade de participar e adquirir experiencia neste tipo de competicións europeas do máis alto nivel, perderon 3-0. Volveron xogar as 19:00 co equipo suizo TTC Neuhausen, o resultado de 3-1 en contra do Vincios non reflicte axeitadamente o acontecido na mesa, xa que o noso equipo competiu a un gran nivel. Rematarán a competición nesta mañá de domingo contra o equipo local, o húngaro PTE PEAC Kalo-Meh, a priori o equipo máis forte do grupo. 

mércores, 11 de setembro de 2019

XIX TORNEO INTERNACIONAL ABERTO "CONCELLO DE GONDOMAR"

Os días 21 e 22 de setembro celébrase a XIX edición do Torneo Internacional Aberto Concello de Gondomar no Pavillón Municipal a partir das 9:30. Como todos os anos contaremos cos mellores xogadores de tenis de mesa de Galicia e Portugal. 
O sábado 21 desputaránse as diferentes categorías, desde pre-benxamín ata veteráns +65, para deportistas federados. O domingo está prevista a categoría Absoluta Masculina e Feminina. Tamén o domingo teremos unha categoría especial de Afeccionados pensada para aqueles que só buscan pasar un bo rato e que non estean federados, ou xogan na segunda liga galega.
Para os federados a inscripción remata hoxe as 23:00 e para a categoría de afeccionados o día 15 de setembro. 
Máis información: advinciostm@gmail.com

martes, 26 de xuño de 2018

ADVincios Medalla de Bronce na Copa do Rei

A A.D. VINCIOS MEDALLA DE BRONCE NA COPA DE S.M. O REY

Este fin de semana disputouse en Antequera (Málaga) a Copa de S.M. o Rey, a competición máis importante do calendario nacional despois da Competición Ligueira, e onde a AD VINCIOS GONDOMAR conquistou a medalla de bronce, alcanzando por primeira vez o podio nesta importante competición.

Este gran éxito constitúe o colofón ao traballo de todo o club destes últimos anos, onde despois de lograr dous ascensos sucesivos desde Primeira División ata Superdivisión masculina, a clasificación por dúas veces para a liga Europea, esta medalla sitúao na elite do tenis de mesa a nivel nacional, un traballo realizado sempre coa inclusión de xogadores da canteira do club.

Esta competición, onde interveñen os 16 mellores equipos inscritos no campionato, empezou o sábado coa fase de grupos, onde o equipo gondomarés superou ao Rivas de Madrid por 3-1 e ao equipo andaluz Vegas do Genil por 3-0, co que se conseguiu o pase a cuartos de final. O sorteo cruzoulles co forte equipo IRUN LEKA ENEA, cuarto clasificado na recentemente finalizada liga española. O desenvolvemento do partido púxose de fronte para o AD Vincios tras a vitoria do ucraíno Ievgen Pryshchepa sobre o serbio Borcic, a derrota de Martín Pintos ante EndikaDíez (actual medalla de Bronce no campionato de España individual) e a vitoria de Moisés Álvarez sobre JaimeVidal. Cun resultado favorable de 2-1 produciuse a primeira sorpresa do partido, ao caer derrotado Pryshchepaante Endika por 3-1. Co partido empatado 2-2, enfrontáronse o gondomarés Martín Pintos e o serbio Borbic, producíndose unha nova sorpresa ao gañar Martín 3-2 nun intenso e emocionante partido con remontada final a favor de Martín, con parciais 10-12, 14-12, 4-11, 11-9 e 11-2, para lograr o pase a semifinais.

En semifinais enfrontáronse ao equipo andaluz CAJASUR PRIEGO TM, actual campión de liga, onde xogaron o actual campión de España Carlos Machado e dous internacionais portugueses, André Silva e Diogo Carballo. O partido caeu 3-1 do lado do Priego, que na final proclamaríase campión de Copa ante o equipo catalán DKV Borges Vall. Os bronces foron para o AD VINCIOS GONDOMAR e o ARTEAL TM de Santiago de Compostela. 

O AD Vincios incorpora ao seu palmarés esta medalla de bronce na Copa de S.M. O Rey, e espera que este éxito axúdelle a atopar os colaboradores e sponsors necesarios para enfrontarse a unha nova tempada.

xoves, 25 de xaneiro de 2018

Súperdivisión

DERBI PROVINCIAL EN SUPERDIVISIÓN 

Este venres 26 de xaneiro ás 19:00 disputarase en Gondomar, no Ximnasio do Instituto Terra de Turonio, o derbi de superdivisión de tenis de mesa, entre os dousrepresentantes da provincia nesta categoría: o AD Vinciose o Vilagarcía Cociñas Bulthaup. Dos doce equipos que compiten na máxima categoría nacional, a única provincia que posúe dous representantes é a provincia de Pontevedra, que xunto ao Arteal de Santiago, son reflexodo bo nivel de Galicia neste deporte dentro do conxuntodo territorio nacional. 

Na localidade de Gondomar poderase gozar dun encontrode moito nivel entre os dous representantes do tenis de mesa pontevedrés, coa participación polo equipo local do xogador da canteira Martín Pintos, o internacional portugués Diogo Silva e a estrela do equipo local, o internacional ucraíno Ievgen Pryshchepa, contra a posible alineción dos xogadores do equipo vilagarcián, o catalán Ramón Mampel, o ucraíno Sergei Nigeruk e un das súasdúas fichaxes deste ano, o belga Lauric ou o checo MichalObeslo

No encontro da primeira volta celebrado en Vilagarcíavenceu o AD Vincios 2-4, co que o equipo de Vilagarcíatratará de tornar o resultado no desquite en terrasmiñoranasEspérase un encontro moi disputado e equilibrado xa que son dous equipos de potencial moiparello situados en metade da táboa clasificatoria, situándose o Vincios no quinto posto e o Vilagarcía no sexto,  separados por dous de puntos. O AD Vincios vénde perder 4-1 no encontro celebrado no seu desprazamentoa Irún mentres o Vilagarcía venceu a L´Escala 4-1 de Xirona como locatario na última xornada da primeiravolta. Espérase unha boa entrada con presenza das dúas afeccións

mércores, 27 de decembro de 2017

Iniciación ao Tenis de mesa Femenino



noso clube está a levar a cabo o proxecto "INICIACIÓN AO TENIS DE MESA PARA MULLERES E XÓVENES" dentro do programa de Cooperación da Xunta de Galicia e co apoio financiero da Unión Europea para o fomento do emprego a través dos programas de cooperación coas entidades sen ánimo de lucro

Está dirixido a mellorar a empregabilidade e a inserción profesional das persoas mozas incluídas no ficheiro do Sistema Nacional de Garantía Xuvenilco que pretendemos fomentar a práctica deportiva e principalmente o tenis de mesa entre as mulleres e as xóvenes da sociedadeOobxetivos que se intentan acadar son:

• Crear grupos de relación social
• Fomentar a diversión mediante os xogos de habilidades
• Favorecer una aprendizaxe sinxela e rápida
• Introducción as técnicas básicas
• Mellora das habilidades psicomotrices, físicas, concentración e atención
• Fomentar os hábitos dxogo e competencia 
• Adquirir destrezas nas relacións

mércores, 19 de xullo de 2017

A AD VINCIOS DE TENIS DE MESA (SUPERDIVISIÓN MASCULINA)CLASIFICADO PARA LA ETTU CUP MEN


A AD Vincios da máxima categoría masculina do Tenis de Mesa español obtivo esta tempada un éxito sen precedentes ao clasificarse para a ETTU Cup Men, segunda competición europea en importancia despois da Champions League. Nesta competición participan 40 equipos europeos.


O equipo gondomareño disputará a primeira fase da competición no mes de Setembro en lugar aínda por designar xunto con outros tres equipos europeos. Para elo o club está buscando patrocinadores que axuden a financiar os costes desta competición europea.


Este é un paso mais do equipo miñorense para facerse un oco entre os máis destacados clubs do continente nunha proba que ten unha tremenda dificultade, posto que se enfrentarán aos equipos que contan nas súas filas con xogadores que se encontran entre os 100 primeros do ránquing mundial.





Slider